Биохимия негіздері және биологиялық белсенді жүйелер синтезі: оқу-әдістемелік құралы

Бұл оқу-әдістемелік құралы «Биологиялық химия негіздері және биологиялық белсенді жүйелер синтезі» курсының практикумына арналған әдістемелік құрал. Құралда 29 жұмыстың (10 бөлім бойынша) сипаттамалары берілген. Құралда келтірілген тәжірибелер аталмыш биологиялық белсенді қосылыстардың қасиеттері, оларды физика-химиялық және химиялық әдістермен талдау, синтездеу жолдарына арналған. Әрбір лабораториялық жұмыс үшін жұмыстың мақсаты мен міндеттері, орындау барысы сипатталады. Сонымен бірге әр жұмыстың соңында сәйкес тақырып бойынша пысықтау сұрақтары мен неге көңіл бөлу керек екені жайлы ескертпелер берілді.
Қазіргі кезде биотехнологияға көп көңіл бөлініп жатқанын ескерсек, болашақ химик, химик-технолог мамандар үшін ұсынылып отырған оқу-әдістемелік құралының атқаратын рөлі маңызды және пайдалы болады деп есептейміз. Оқу-әдістемелік құралдың тілі жатық, студенттер үшін түсінікті, ғылыми-әдеби тілмен баяндалған. Ғылыми-әдістемелік деңгейі жоғары екенін де айта кеткен жөн.